13 июль куни тахминан 11:30 да Шайхонтоҳур туманида ўлим билан якунланган йўл-транспорт ҳодисаси содир бўлди, дея хабар берди «Газета.uz» Тошкент ИИББга таяниб.
Кўксарой кўчасида 58 ёшли ҳайдовчи Ҳусниддин Х. бошқарувидаги Captiva автомобили пиёдани уриб юборди. ЙТҲ натижасида 9 ёшли Муслима тан жароҳатлари олиб, ҳодиса жойида ҳаётдан кўз юмди. Ҳодисага қизалоқнинг йўлнинг ҳаракатланиш қисмига тўсатдан югуриб чиққани сабаб бўлган. Ҳайдовчи тўқнашувнинг олдини олишнинг уддасидан чиқа олмаган, дейилади хабарда.
Ушбу ҳодиса муносабати билан ИИББ ЙҲХБ ходимлари Шайхонтоҳур туман Ибн Сино-1 мавзеси аҳолиси билан суҳбат ўтказди. Уларга вояга етмаганлар билан тушунтириш ишларини олиб боришнинг аҳамияти эслатилиб, болаларга йўл ҳаракати қоидаларига риоя этмаслик ҳаёт учун хавфли эканини тез-тез эслатиб туриш лозимлиги таъкидланди.
Изоҳ (0)