Июнь ойи якунига кўра, Эронда нефть қазиб олиш кунига 2,28 миллион баррелгача тушиб кетди. Бу эса сўнгги 30 йил ичидаги энг паст кўрсаткичдир, деб хабар беради «Korrespondent.net».
Халқаро энергетика агентлигининг ҳар ойлик ҳисоботига кўра, май ойига нисбатан нефть қазиб олиш суткасига 120 минг баррелга камайган. Денгиз транспорти орқали нефтни етказиб бериш эса 450 минг баррелга тушиб кетган.
Ўтган йилнинг май ойигача, АҚШ Эрон ядровий келишувидан чиқиб, Эронга нисбатан санкцияларни жорий этгунига қадар Теҳрон суткасига 2,6 миллион баррель нефтни экспорт қилган.
2019 йилнинг май ойида эса АҚШ санкциялари сабаб Туркия Эрондан нефть сотиб олиш ҳажмини суткасига 70 мингдан 30 мингга, Хитой эса 100 мингдан 40 мингга туширган.
Изоҳ (0)