АҚШ Тинч океанида 7 тонна кокаин ортилган кема қўлга олиниши видеосини тақдим этди. Бу ҳақда «РБК» хабар берди.
Видеода АҚШ қирғоқ қўриқлаш катери экипажи сувга ярим тушган ҳолда катта тезликда кетаётган кемани аввал қувиб, сўнг унга сакраб чиққанини кўриш мумкин.
АҚШ қирғоқ қўриқчиси қиймати 232 миллион долларни ташкил этувчи 7 тонна кокаин партиясини олиб кетаётган ярим чўккан кемани қўлга олиш жараёни акс этган видеони эълон қилган. Видео лавҳа АҚШ қирғоқ қўриқлаш хизматининг Twitter’даги саҳифасига жойланган.
Қайд этилишича, воқеа 18 июнда Тинч океанининг шарқий қисмида содир бўлган. Кемада гиёҳванд моддалар контрабандаси билан шуғулланиши тахмин қилинаётган 5 киши борлиги топилган.
Изоҳ (0)