Грециянинг Халкидики маъмурий ҳудудида содир бўлган кучли шамол, ёғингарчилик ва дўл оқибатида олти киши ҳалок бўлди, яна ўнлаб инсонлар жароҳат олди, деб хабар беради «Korrespondent.net».
Маҳаллий полициянинг маълумотларига кўра, ҳалок бўлганлар орасида Чехия, Руминия ва Россиядан келган туристлар бор.
Кучли шамол катта ёшли чехиялик жуфтликнинг трейлерини учириб юборгач ҳалок бўлган, 8 ёшли боласи бўлган аёл эса Неа-Плагия шаҳарчасида ресторан томининг қулаб тушиши оқибатида вафот этган. Иккиси ҳам Руминия фуқароси бўлган.
Ҳалок бўлганларнинг икки нафари россиялик эканлиги айтилмоқда — ота-ўғил Неа-Потидея шаҳарчасида жойлашган меҳмонхона яқинидаги дарахтнинг қулаши оқибатида вафот этган.
Шунингдек 70 нафарга яқин одам жароҳат олган бўлиб, уларга шифохонада ёрдам кўрсатилмоқда.
Изоҳ (0)