Монакода бутун давлат бўйича 5G тармоғи ишга тушди, деб хабар бермоқда «Коммерсантъ». Шундай қилиб Монако бутун мамлакат бўйлаб 5G га эга Европадаги ягона давлатга айланди.
Тармоқ ускуналари Хитойнинг Huawei компанияси томонидан ишлаб чиқилган ва ўрнатилган.
Аввалроқ Opensignal сервиси 4G интернети рейтингида Ўзбекистонни охирги ўринга киритгани ҳақида хабар берилган эди.
Президент Шавкат Мирзиёев эса 25 апрель кун «Бир макон — бир йўл» халқаро форуми доирасида Huawei компаниясининг Тадқиқотлар ва инновациялар марказига ташрифида Huawei компанияси билан Ўзбекистонда 5G технологиясини жорий этишни тезлаштириш кераклигини айтганди.
«Янги технологияларни жалб этишдан олдин уларни ишлатувчи мутахассислар тайёрлаш ва малакасини ошириш жуда муҳим. Компания билан аввало ушбу йўналиш бўйича ҳамкорлик қилиш, мамлакатимизда 5G технологиясини жорий этишни тезлаштириш керак», — деган эди Шавкат Мирзиёев.
Изоҳ (0)