Биткоин курси 22 июндаги савдолар чоғида 10 минг долларлик кўрсаткичдан ўтди. Бу ҳақда, CoinDesk ва CoinMarketCap биржалари маълумотларига асосланиб, Meduza хабар бермоқда.
Хабар беришларича, курс кўтарилиш энг авжига чиққан вақтда 10 882 долларга етган. Тошкент вақти билан 12:00 да атрофида биткоин 10,7 минг доллардан сал кўпроққа баҳоланаётган эди. Қайд этиш жоиз, биткоин курси сўнгги бор 2018 йил май ойида 10 минг доллардан ошган эди.
Ҳисоб-китобларга кўра, сўнгги бир ярим ой ичида биткоин курси салкам икки баробарга ошган — 9 май куни криптовалюта қиймати 6 минг доллардан ошган эди.
Изоҳ (0)