Японияда ўтаётган G20 саммитида нутқ сўзлаган Дональд Трамп Huawei’ни «қора рўйхат»дан чиқариш масаласини АҚШ савдо вазири билан муҳокама қилаётганини билдирди.
Агарда миллий хавфсизлик учун катта муаммо бўлмайдиган бўлса, Америка компанияларига Хитойнинг Huawei компанияси қурилмаларини сотишига рухсат берилади, деди АҚШ президенти Дональд Трамп.
«АҚШ компаниялари Huawei қурилмаларини сотиши мумкин. Мен миллий хавфсизлик учун катта муаммо бўлмайдиган қурилмалар ҳақида гапиряпман. Уларнинг сотилишига рухсат берамиз», — деди Трамп.
16 май куни АҚШ савдо вазирлиги Хитойнинг Huawei компанияси ва унинг 70 та филиалини қора рўйхатга киритди. Кейинроқ Google, Intel, Qualcomm, Xilinx вa Broadcom компаниялари Хитой компанияси билан ҳамкорликни тўхтатганини маълум қилди. Шунингдек, Британиянинг ARМ корпорацияси ҳам улар сафига қўшилди.
Изоҳ (0)