Ички ишлар вазирлиги Малака ошириш институти томонидан 1—17 июль кунлари Андижон, Наманган, Сирдарё, Фарғона, Тошкент вилоятлари ва Тошкент шаҳридаги туманлар ва шаҳарлар ички ишлар органларининг жиноят-қидирув бўлимлари бошлиқлари, хавфсиз туризмни таъминлаш хизмати тезкор ва профилактика ходимлари, навбатчилик қисмлари ходимлари ва профилактика инспекторлари учун малака ошириш сайёр ўқув йиғинлари ўтказилмоқда. Бу ҳақда институт матбуот хизмати хабар берди.
Беш кунга мўлжалланган ўқув жараёнларида соҳага оид қабул қилинган янги норматив-ҳуқуқий ҳужжатлар, тизимдаги ислоҳотлар ва янгиликлар ва хорижий давлатларнинг илғор тажрибалари билан таништирилади.
Бундан ташқари, жойларда ўтказилаётган ушбу тадбирлар доирасида Институт профессор-ўқитувчилари томонидан ҳудудий ички ишлар органлари, фуқароларнинг ўзини ўзи бошқариш органларни фаолиятини мувофиқлаштириш бўйича кенгашлар билан ҳамкорликда маҳаллаларда аҳоли, шу жумладан ёшлар ўртасида «Менинг маҳалламда жиноят содир бўлмаслиги керак» мавзусида тарғибот ишлари олиб борилмоқда.
Шунингдек, Институт профессор-ўқитувчилари томонидан маҳаллаларда истиқомат қилаётган кам таъминланган, якка ёлғиз кекса авлод вакилларининг ҳолидан хабар олиш ҳам амалга оширилмоқда.
Таъкидланишича, Институт профессор-ўқитувчилари томонидан ўтган 11 ой мобайнида ўтказилган ўқув йиғинларида қарийб 6500 га яқин ходимлар қатнашиб, ўз малакасини оширган.
Изоҳ (0)