«Дарё» ўтиб бораётган ҳафтанинг қизғин баҳсларга сабаб бўлган твитларни диққатингизга ҳавола этади.
«Рус тролларининг ўйинлари борган сари заифлашиб бораётганини ҳис қиляпман. Ҳой, Путин, қўлингдан келгани шуми?» – Майкл Макфол, АҚШнинг Россиядаги собиқ элчиси.
«Кремль халқаро санкцияларни принципиал хатолик сифатида баҳолаб келади, аммо ўзи қўшниларига нисбатан бундай санкцияларни қўллаб келади. Буни Грузия мисолида кўриш мумкин. Халқаро авиақатновларнинг тўхтатилиши ортидан грузин виноси импортига тақиқ қўйилмоқда», – Кристиан Эш, Spiegel журналисти.
«Стокгольмда ўтказиладиган қишки олимпиада ўйинлари баҳсларига бағишланган мунозара туфайли чизилган карикатура. Қишки олимпиада ёзуви бўлган хоккейчи ‘онкологик касалликларни даволаш’, ‘божхона’, ‘мудофаа’ ва ‘полиция’ деб ёзилган рақибларини туртиб кетмоқда», – Стегет Эфтер, ҳажвчи ва карикатурачи.
«Марсни босиб ол», – Илон Маск.
«Бу хабарни ретвит қилиб, 4 июль санасига қадар менинг саҳифамга аъзо бўлганларга ойига минг доллар тўлайман. Келинг муаммо пулдалигини ва бу ҳаракат инсонлар учун амалга оширилаётганини исботлайлик. Ҳеч нарсани сотиб олиш талаб қилинмайди. АҚШ фуқароси бўлмаганлар безовта қилмасин», – Эндрю Янг, АҚШ президентлигига номзодини қўйган америкалик тадбиркор.
«Гиёҳванд моддаларни истеъмол қилиш даҳшатли тус олмоқда. Фақатгина АҚШнинг ўзида гуёҳвандликдан ҳар йили қарийб 70 минг инсон ҳаётдан кўз юммоқда», – Иброҳим Варли, Birgün нашри журналисти.
«Тайвань чойи бутун дунёда машҳур ва бу бекорга эмас. Илан вилоятида менга аъло навли чойни тайёрлаш учун қанча меҳнат қилиш кераклигини бошимдан ўтказиш насиб этди. Бу чойдан татиб ҳам кўрдим. Агар имконият бўлса, бу чойдан татиб кўринг», – Сай Инвень, Тайвань президенти.
«Канада ва барча канадаликларни Канада куни билан табриклайман. Украинани қўллаб-қувватлаганларинг учун раҳмат! 1–3 июль кунлари Торонтодаги URC2019 конференсиясида иштирок этаман. Украина учун кўплаб янги учрашувлар ва воқеалар олдинда», – Владимир Зеленский, Украина президенти.
«Мексиканинг Гвадалахара шаҳридаги аномал дўл машиналарни ҳам кўмиб юборди», – Жим Робертс, журналист.
«Чегарада кир-чир юрган, қашшоқ ва касаллларга ҳамда бошқа болалар ҳолидан хабар олаётган болаларга айбни ағдариш қўрқоқлик ва ахлоқий тубанликдир. Ахир у мана 2,5 йилдан бери пресидент-ку», – Стивен Кинг, ёзувчи.
Жаҳонгир Эргашев тайёрлади.
Изоҳ (0)