Флорида штатининг Палм-Бич округида дам олаётган Албер Пассаванти коптокнинг орқасидан бассейнга тушиб кетган 1,5 ёшли ўғлига фавқулодда ёрдам кўрсатиб, уни бир ўлимдан сақлаб қолди, деб хабар беради Forum Daily.
Пассаванти сузишни билмайдиган ўғли сувга тушиб кетганини кўрганида баландлиги 4 фут (120 сантиметр) келадиган тўсиқдан сакраб ўтиб, ўзини тўғри сувга отган. Тезкор ҳаракат ва ўз вақтида ишлаган рефлекс боланинг омон қолишига ёрдам берган.
https://www.facebook.com/albert.пассаванти/видеос/10216911043042358/
Қаҳрамон ота ўзининг бассейнга сакрагани тасвирланган видеони Facebook’даги саҳифасида эълон қилган ва «болалар учун қўйилган тўсиқ, фақатгина ёпиқ бўлганида ишлайди» дея изоҳ қолдирган.
Америка педиатрия академиясининг маълумотларига кўра, 1 ёшдан 4 ёшгача бўлган болалар ўртасида сувга чўкиб кетиш кенг тарқалган ўлим тури ҳисобланади. 2017 йилда АҚШда салкам минг нафар бола сувга чўкиб кетган.
Изоҳ (0)