Йигирма нафар украиналик ноқонуний равишда ўз органларини Қозоғистонда сотгани маълум бўлди. Бу ҳақда Украина миллий полицияси бошлиғининг биринчи ўринбосари Вячеслав Аброськинга таяниб Tengrinews хабар берди.
Ҳуқуқ-тартибот идораларининг аниқлашича, 20 нафар Украина фуқароси ўз буйрагини Қозоғистонда ноқоқнуний равишда сотган. Улар ўз органлари учун 10—15 минг доллар миқдорида пул олган. Таъкидланишича, улар ҳар бир бурак учун 150 минг доллар олишлари керак бўлган.
Аброськиннинг сўзларига кўра, эркаклардан бири буйрагини саратонга чалинган аёлини операция қилдириш учун сотган бўлса, яна бир эркак шунчаки яхши яшаш учун сотган. «Булар шунчаки орган етказиб берувчи бахтсиз фуқаролар, аслида уларнинг ортида одамларнинг кулфати орқасидан яшовчи халқаро уюшган жиноятчилик мавжуд», — дейди Аброськин.
Полициячилар жиноятга алоқадор бир неча кишини қўлга олган, улар орасида трансплантолог шифокор ҳам бор.
Изоҳ (0)