20 nafar ukrainalik noqonuniy ravishda o‘z buyragini Qozog‘istonda sotgani ma’lum bo‘ldi

Yigirma nafar ukrainalik noqonuniy ravishda o‘z organlarini Qozog‘istonda sotgani ma’lum bo‘ldi. Bu haqda Ukraina milliy politsiyasi boshlig‘ining birinchi o‘rinbosari Vyacheslav Abroskinga tayanib Tengrinews xabar berdi.

Huquq-tartibot idoralarining aniqlashicha, 20 nafar Ukraina fuqarosi o‘z buyragini Qozog‘istonda noqoqnuniy ravishda sotgan. Ular o‘z organlari uchun 10—15 ming dollar miqdorida pul olgan. Ta’kidlanishicha, ular har bir burak uchun 150 ming dollar olishlari kerak bo‘lgan.

Abroskinning so‘zlariga ko‘ra, erkaklardan biri buyragini saratonga chalingan ayolini operatsiya qildirish uchun sotgan bo‘lsa, yana bir erkak shunchaki yaxshi yashash uchun sotgan. “Bular shunchaki organ yetkazib beruvchi baxtsiz fuqarolar, aslida ularning ortida odamlarning kulfati orqasidan yashovchi xalqaro uyushgan jinoyatchilik mavjud”, — deydi Abroskin.

Politsiyachilar jinoyatga aloqador bir necha kishini qo‘lga olgan, ular orasida transplantolog shifokor ham bor.