Қозоғистон фуқароси Бойқўнғир космодромига кириб, Россияга тегишли мулкни ўғирлаб кетди, деб хабар беради «Газета.ru».
Таъкидланишича, ўғирлик 9-сонли майдончадаги «Турар-жой хўжалиги» ДUK ҳудудий базасида содир бўлган. Воқеа жойига етиб келган полициячиларни базадан чиқиб яқин атрофдаги қишлоқлардан бирига яширинмоқчи бўлган «КамАЗ» туртиб юборишига бир баҳя қолган.
Автомобиль хусусий уйларнинг бирининг ҳовлисига кирганида уй эгаси полиция ходимларига тош ота бошлаган, шундан сўнг улардан бирининг юзига боши билан урган, иккинчисини эса буғиб ўлдиришга уринган.
Тезкорлик билан етиб келган ёрдам кучлари ўғри ва безорини қўлга олган.
Ҳозирда ўғирлик ва ҳукумат вакилларига нисбатан куч ишлатиш бўйича жиноят иши очилган.
Изоҳ (0)