23 июнь куни АҚШнинг Калифорния штатида 10 ойлик гўдакнинг миясига ўқ узилди. Сабаби унинг онаси қотилнинг учрашув ҳақидаги таклифини рад этган. Бу ҳақда Forum Daily хабар берди.
Полициянинг хабар беришича, гўдак касалхонага келтирилган ва миясидан ўқ заррачаларини олиб ташлаш учун операция қилинган. У ҳозирда жуда қалтис, аммо барқарор ҳолатда.
Гумон қилинган отишма Фресно шаҳридаги бир уйда содир бўлди. Полиция маълумотига кўра, эркак чақалоқнинг онасини қўлидан ушлашга ҳаракат қилган, аммо у буни рад этган.
Кейинроқ аёл боласи ва эркак дўсти билан уйдан чиққан. Улар кетгач, гумондор 23 ёшли Марко Антонио Эчартеа машинага ўқ отишга киришган.
«У яқинлашганда қуролни чиқариб, ҳайдовчининг ён ойнасига уч марта ўқ узди», — дейди полиция.
«Ўқнинг бири онаси кўтариб ўтирган чақалоққа теккан», — давом этди у.
Полиция гумондорни уйнинг яқинида топди ва қотилликка уч марта уринганликда гумон қилиб, ҳибсга олди.
Бундан ташқари, у шу йилнинг май ойидан буён қидирувда бўлгани маълум бўлди. Қидирувнинг сабаблари ошкор қилинмади.
Изоҳ (0)