Конгода 2018 йилнинг июль ойи охиридан буён Эбола касаллигидан вафот этганлар сони 1 500 кишидан ошди. «ТАСС»нинг хабар беришича, касаллик билан зарарланганлар умумий сони 2 240 кишига яқинлашмоқда.
Африка мамлакатлари Соғлиқни сақалаш вазирлиги маълумотига кўра, эпидемия бошланганидан буён касаллик ҳолатларининг умумий сони 2 239 кишини ташкил этган. Улардан 2 145 нафари тасдиқланган, 94 нафари касаликка чалиниши эҳтимоли бор деб топилган. Умумий ҳисобда 1 506 та ўлим ҳолатлари қайд этилган (1 412 та тасдиқланган, 94 та эҳтмолий).
Тиббиёт ходимлари 276 та шубҳали ҳолатларни текширмоқда. Сўнгги кунларда 13 нафар касаллангани, тўққиз нафар вафот этгани аниқланган. Саккиз киши эса касалликдан тузалган.
Хабарда айтилишича, Соғлиқни сақлаш вазирлиги Оли Илунга Каленга аҳолини «Соғлиқни сақлаш вазирлиги томонидан қабул қилинаётган чоралар ёрдамида уларнинг оилаларини, қариндошларини, дўстларини ва уларнинг ўзларини ҳимоя қилишга интилаётган ҳукуматга ишонишга чақирди».
Гап вафот этган шахсларнинг дафн маросимини тегишли равишда хавфсиз ўтказиш ҳақида кетмоқда. Чунки Жаҳон соғлиқни сақлаш ташкилоти аввал ҳам бир неча марта таъкидлаганидек, айнан касалланган одамларни дафн қилиш пайтида кўпинча санитария қоидаларига риоя қилинмагани касаллик вирусининг тарқалишига сабаб бўлмоқда.
Изоҳ (0)