Шавкат Мирзиёев Сенатнинг 20-ялпи мажлисидаги чиқишида Бишкекдаги ШҲТ саммитидан сўнг уюштирилган мамлакатлар етакчиларининг норасмий учрашуви ҳақида ҳикоя қилди. Бу ҳақда Sputnik хабар бермоқда.
Мирзиёевга кўра, ўзбекистонлик санъаткорлар ҳам иштирок этган концертдан сўнг давлат раҳбарлари учун норасмий зиёфат ташкил этилган. Россия президенти ўзбек миллий либослари, мусиқаси ва рақслари ҳайратда қолмаслик имконсиз бўлган тарихий мерос эканлигини таъкидлаган.
Даврада ўтирган Хитой раҳбари Си Цзиньпин ҳам Путиннинг гапини маъқуллаган ва ўзбек маданиятини ҳеч қайси миллатникига таққослаб бўлмаслигини билдирган.
Мирзиёев Сенат мажлиси иштирокчиларига ўзбек миллати ҳақида яхши гапларни эшитиш у учун жуда мароқли бўлганини билдирган ва «Ўша вақт иккаласи ҳам кўзимга яхши кўриниб кетди», деган.
Изоҳ (0)