Грузия Ички ишлар вазири ўринбосари Владимир Борцвадзе маълум қилишича, муассаса ходимлари парламент биноси ёнидаги норозилик акциялари чоғида 305 нафар намойишчини қўлга олган, деб ёзади «Газета.ru».

Фото: Twitter / @nlevshits

Унинг сўзларига кўра, баъзи намйишчилар бутун тун давомида қоидабузарликларни содир этган.

Эрталаб эса улар полиция ва фуқароларга тегишли автомобилларга зарар етказган, шунингдек, талон-тарож қилиш ҳаракатларини амалга оширган.

«Турли қонунбузарликлар сабабли 305 нафар акция иштирокчиси қўлга олинди», — деди Борцвадзе.

Тбилисида 20 июнь куни кечки пайт кўп минг кишилик норозилик акцияси бошланди.

Норозилик акцияларига Россия Давлат думаси депутати, Парламентлараро православие ассамблеяси президенти Сергей Гавриловнинг чиқиши сабаб бўлди. 20 июнь куни у Грузия парламентида мазкур ассамблея йиғилиши чоғида спикер ўриндиғига ўтирди ва тўпланганларга рус тилида мурожаат қилди.

Бу Грузия мухолифатини дарғазаб қилди ва Гаврилов парламентдан қўриқчилар ҳимоясида чиқиб кетди. Кўп ўтмай Россия делегацияси Грузияни тарк этди.

Аввалроқ Грузияда норозилик акцияларидан кейин парламент спикери истеъфога чиққани хабар берилган эди.