Ўзбекистон бандлик ва меҳнат муносабатлари вазири Шерзод Кудбиев «Груз—200» бўйича барча харажатлар Ўзбекистон томонидан тўланишини маълум қилди, дея хабар беради Sputnik.
«Ўзбекистон фуқаролари учун ‘Груз—200’ тўлов жараёнини анча енгиллаштириш қарорини қабул қилдик. Бу борада Россиядаги вакилларимизга тегишли топшириқларни берганмиз. Агар аввал ‘Груз—200’ тўловини амалга ошириш учун патент ва солиқ тўловлари квитанцияларини талаб қилган бўлсак, ҳозирда бу ҳужжатлар талаб этилмайди. Ўзбекистон давлати ‘Груз—200’ бўйича харажатларни тўлашни ўз зиммасигак олади. Фақат бир жиҳатни эътиборга олиш муҳим бу ерда, Россия катта давлат ва агар ҳодиса мамлакатнинг олис нуқтасида содир бўлган бўлса, у ерга етиб бориш ва ҳужжатларни расмийлаштириш жараёни бир оз вақт талаб этиши мумкин», — деди Кудбиев.
Вазир шунингдек, Ўзбекистон ҳукумати Россиянинг исталган бурчагида жойлашган вақтинчалик сақлаш марказларидан ҳам ўз фуқароларини ўз ҳисобидан чиқариб кетишга тайёрлигини қўшимча қилди.
Изоҳ (0)