O‘zbekiston “Gruz—200” bo‘yicha barcha xarajatlarni ko‘taradi

O‘zbekiston bandlik va mehnat munosabatlari vaziri Sherzod Kudbiyev “Gruz—200” bo‘yicha barcha xarajatlar O‘zbekiston tomonidan to‘lanishini ma’lum qildi, deya xabar beradi Sputnik.

“O‘zbekiston fuqarolari uchun ‘Gruz—200’ to‘lov jarayonini ancha yengillashtirish qarorini qabul qildik. Bu borada Rossiyadagi vakillarimizga tegishli topshiriqlarni berganmiz. Agar avval ‘Gruz—200’ to‘lovini amalga oshirish uchun patent va soliq to‘lovlari kvitantsiyalarini talab qilgan bo‘lsak, hozirda bu hujjatlar talab etilmaydi. O‘zbekiston davlati ‘Gruz—200’ bo‘yicha xarajatlarni to‘lashni o‘z zimmasigak oladi. Faqat bir jihatni e’tiborga olish muhim bu yerda, Rossiya katta davlat va agar hodisa mamlakatning olis nuqtasida sodir bo‘lgan bo‘lsa, u yerga yetib borish va hujjatlarni rasmiylashtirish jarayoni bir oz vaqt talab etishi mumkin”, — dedi Kudbiyev.

Vazir shuningdek, O‘zbekiston hukumati Rossiyaning istalgan burchagida joylashgan vaqtinchalik saqlash markazlaridan ham o‘z fuqarolarini o‘z hisobidan chiqarib ketishga tayyorligini qo‘shimcha qildi.