Туркманистон президентининг ўғли собиқ Ашхобод вилояти ҳокими этиб тайинланди

Туркманистон президенти Гурбангули Бердимуҳамедов ўғли Сардорни Ахал вилояти раҳбари этиб тайинлади, деб хабар беради «KNews.kg».

Ахал вилояти Туркманистон пойтахти — Ашхобод ўзининг бошқарув органлари билан алоҳида маъмурий бирлик бўлиб ажралиб чиққач пайдо бўлган. Кичик Бердимуҳамедов раҳбар этиб тайинлангунига қадар вилоят раҳбари ўринбосари бўлиб ишлаб келаётганди.

Сардор Бердимуҳамедов 37 ёшда, қуролли кучлар подполковниги. 2016 йилда Туркманистон парламентига сайланган, 2018 йил мартда эса ташқи ишлар вазири ўринбосари лавозимида ишланган.

Унга қадар Туркманистон президентининг ўғли 2015 йилнинг июлида махсус фармойишга биноан ТИВ тузилмасига ишга олинган ва докторлик диссертациясини ҳимоялаган.

2017 йилнинг баҳор ва ёз фаслларида хорижга бир қатор расмий ташрифларни амалга оширган ва Россия, Қозоғистоннинг юқори мартабали амалдорлари билан учрашган эди.

Туркманистон президентининг ўғли бошқарадиган вилоятда 900 мингдан ортиқ одам (мамлакат аҳолисининг 14 фоизи) истиқомат қилади. Қишлоқ хўжалиги маҳсулотларининг 23 фоизи ва саноат ишлаб чиқаришининг 31 фоизи ушбу вилоят ҳисобига тўғри келади.