Бугун,

  • USD 11095.31
  • RUB 173.84
  • EUR 10772.44

Тошкент шаҳар давлат солиқ бошқармаси ва туман инспекциялари «Ишонч телефони»га 2019 йилда жисмоний ва юридик шахслардан жами 262 та мурожаат келиб тушди. Бу ҳақда Тошкент шаҳар ДСБ матбуот хизмати маълум қилди.

Фото: Shutterstock

Фото: Shutterstock

Таҳлилларга кўра, 115 та мурожаат назорат касса машинаси чеки бермаслик, 33 таси савдо ва хизмат кўрсатиш шохобчаларида тўлов терминаллари ишламаётганлиги ёки шу билан боғлиқ муаммолар, 8 таси тегишли ҳужжатсиз маҳсулотлар сотиш, хизматлар кўрсатиш ва 106 таси бошқа қонун бузилиш ҳолатлари билан боғлиқ масалаларга дахлдор.

Хусусан, бошқарма «Ишонч телефони»га келиб тушган мурожаатда Шайхонтоҳур тумани, Шерозий кўчасида жойлашган умумий овқатланиш шохобчасида харид чеки берилмагани баён қилинган.

Мазкур ҳолат юзасидан Тошкент шаҳар давлат солиқ бошқармаси ходимлари томонидан ўтказилган назорат тадбири давомида ошхона кассири Турғун Алимов (исм-фамилиялар ўзгартирилган) мижозга 18 минг сўмга харид чеки бермаганлиги ҳамда кунлик савдодан тушган 8 755 000 минг сўм нақд пулни назорат-касса машинаси хотирасига киритмагани аниқланган.

Назорат тадбирида корхона раҳбарлари билан профилактик суҳбат ўтказилиб, солиққа оид қонунчилик талаблари тушунтирилган.

«Агарда қонуний ҳуқуқ ва манфаатларингиз бузилса, Тошкент шаҳар давлат солиқ бошқармасининг 71-244-54-86 рақамли ‘Ишонч телефониъга қўнғироқ қилинг», — дейилади хабарда.

Изоҳ
Asosiy yangiliklar
Маҳаллий
Хоразмда икки киши ис газидан вафот этди
Маҳаллий
Виртуал карталар нима ва улардан қандай қилиб тўғри фойдаланиш мумкин?
Дунё
Twitter офисида ходимлар учун каравотлар пайдо бўлди, Илон Маск аввалроқ меъёридан ортиқча иш бўлиши ҳақида огоҳлантирганди