Тошкент Жанубий темир йўл вокзалида 51 ўринли 1 та Mersedes-benz Toursimo, 30 ўринлик 2 та Isuzu HD 50 автобуси, 11 ўринлик 3 та Hyundai H-1 микроавтобуси, 7 ўринлик 1 та Mitsubishi Pajero йўлтанламас автотранспорт воситасининг тақдимоти ўтказилди.
— Эндиликда Тошкент шаҳрига саёҳатга келадиган йўловчилар ҳамда туризм йўналишидаги фирмаларнинг олдиндан берилган буюртмалари асосида замонавий автотранспорт воситалари тайёр қилиб қўйилади, — дейди «Ўзтемирйўлйўловчи» АЖ тариф бўлими бош мутахассиси Шаҳноза Алиева. — Меҳмонлар ушбу транспорт воситаларида нафақат Тошкент шаҳри, балки вилоятнинг сўлим гўшаларига ҳам саёҳат қилишлари мумкин. Кейинги босқичда харид қилинадиган ана шундай замонавий автотранспортлар қадимий шаҳарлардаги вокзалларда ҳам сайёҳларга хизмат кўрсатади.
Тақдимот доирасида журналистлар учун пресс-тур ташкил этилди. «Ўзтемирйўлйўловчи» АЖ томонидан келажакда пойтахт ҳамда вилоят марказларидаги темир йўл вокзалларида такси хизматларини йўлга қўйиш кўзда тутилганлиги ҳақида маълумотлар берилди.
Изоҳ (0)