Қуролли Кучлар Бош штаби томонидан 17 июнь куни Шарқий ҳарбий округда жойлашган Фарғона гарнизонидаги ҳарбий қисмлардан бирида инспекция текшируви машғулотлари бошланди. Мудофаа вазирлиги матбуот хизмати хабар беришича, текширувдан асосий мақсад бўлинмаларнинг жанговар шайлигини текширишга қаратилган.
Машғулотларнинг биринчи кунида шахсий таркиб ҳамда ҳарбий техникаларнинг жанговар шайлиги текширилди. Унда ҳарбий хизматчиларнинг ташқи кўриниши, қурол-аслаҳалари, сафар анжомлари, саф кўриги ва саф қўшиқларини айтиб юришига баҳо берилди.
Шунингдек, Фарғона гарнизонида бўлинмаларнинг жанговар тайёргарлигини текшириш машғулотларида ҳарбий хизматчилар ҳарбий топография ва жисмоний тайёргарлик бўйича синовларни топширишди.
Машғулотларининг кейинги босқичларида ҳарбийларнинг тактик ва махсус тайёргарлиги, оммавий қирғин қуролларидан ҳимояланиш, гуруҳ ва ўточар қуроллардан нишонларга ўқ отиш бўйича кўникмаларини синовдан ўтказиш режалаштирилган.
Изоҳ (0)