Гулнора Каримованинг адвокати Грегуар Манжа мижозининг аҳволи яхши эмаслигини маълум қилди. Бу ҳақда швейцариялик адвокатнинг Twitter’да қолдирган постига таяниб, Uz24 хабар бермоқда.
«Зангиотадан қайтяпман. Мижозимнинг аҳволи оғир. Қон босими баланд. Оёғи боғлаб ташланган. Ҳеч қандай тиббий ёрдам кўрсатилмаяпти. Бир неча марта ҳушидан кетган», деб ёзган Грегуар Манжа.
#Karimova #Uzbekistan Back from Zangiota. Client in bad shape. High blood pressure. Leg fully bandaged. No medical treatments. Fainted many times. Basic question to this government : Zangiota, why + until when? Stop this arbitrary detention.
— Grégoire Mangeat (@GregoireMangeat) June 17, 2019
Адвокат ҳукуматдан бу тарзда ушлаб туриш бас қилинишини сўраган.
Эслатиб ўтамиз, адвокат май ойининг охирида мижозига тиббий ёрдам кўрсатилмаётгани ва унга руҳий босим ўтказилаётгани ҳақида ёзганди. Бу хабарни Ўзбекистон Бош прокуратураси рад этган ва Гулнора Каримованинг аҳволи қониқарли эканини таъкидлаганди.
Изоҳ (0)