Канаданинг Альберта провинциясида жойлашган музейлардан бирига ташриф буюрган фуқаро 40 йилдан буён ёпиқ турган сейфни очишга муваффақ бўлди, деб хабар беради Tengrinews.
Global News нашрининг маълум қилишича, 36 ёшли Стивен Миллс оиласи билан Вермилион шаҳрига ташриф буюрган. Бу ерда улар маҳаллий музейлардан бири бўйлаб экскурсия уюштирган. Меҳмонлар музейда 40 йилдан бери турган ва кўплаб уринишларга қарамай ҳануз очилмаган сейфга дуч келган.
«Мен шунчаки энгашиб, сейф ичида ҳаракатланаётган механизмнинг овозини эшитдим. Шундан сўнг 20, 40, 60 комбинациясини бураб кўришга қарор қилдим — уч марта ўнгга, икки марта чапга. Ва сейф эшиги очилди», — Миллс.
Сейф ичида эски ҳужжатлар, офицантнинг ён дафтарчаси ва чеки бўлган. Содир бўлган воқеадан сўнг Миллсга музей директорлар кенгаши президенти қўнғироқ қилиб, миннатдорчилик билдирган.
Унинг сўзларига кўра, музей ёпилиш арафасида бўлган, бироқ мазкур воқеанинг ОАВда ёритилиши ташриф буюрувчиларни ўзига жалб этишга ёрдам бериши мумкин.
Изоҳ (0)