14 июнь куни Ахборот ва оммавий коммуникациялар агентлигида «Прокуратура органларининг 2019 йилнинг биринчи беш ойлигидаги фаолияти» мавзусида брифинг бўлиб ўтди. Унда Ўзбекистон Бош прокуратураси ходимлари иштирок этди. Бу ҳақда Repost хабар берди.
Брифинг пайтида ЖКнинг 157-моддаси (Давлатга қарши хиёнат) бўйича жавобгарликка тортилган, Ташқи ишлар вазирлиги собиқ ходими, Ўзбекистоннинг ЕХҲТдаги вакили Қодир Юсуповнинг иши ҳақида гапириб ўтилди.
«Бугунги кунга келиб, 2019 йил 23 майда айблов хулосаси билан ушбу жиноят иши Ўзбекистон Жиноят кодексининг 388-моддаси (Жиноят ишини судга юбориш) бўйича Ўзбекистон ҳарбий судига ўтказилди. Айни пайтда иш кўриб чиқилмоқда», — дея таъкидлади Бош прокурор муовини Эркин Йўлдошев.
Изоҳ (0)