Гаагадаги Россия элчихонаси олдида Донбассда MH17 рейси уриб туширилиши оқибатида ҳалок бўлганларнинг қариндошлари «инсонпарварлик»га чақириб, фожеага жавобгарлик талаб қилди. Бу ҳақда «Лига Новости» хабар берди.
«Улар MH17 ҳалокатида муайян рол ўйнагани тушунарли», — деган «Ҳақиқатни ошкор этиш» ишчи гуруҳи вакили Сандер ван Луйк.
«Сукут сиёсий жиҳатдан мотивацияланган. Агар сиз сукут сақласангиз ва жавобгарликни ўз зиммангизга олмасангиз, ўзингизни буюк миллат деб атай олмайсиз», — деб қўшимча қилган у.
Улар Россиянинг ТИВ биноси филиали олдида самолётдаги каби йўлаклар билан бирга 298 та оқ стуллар ўрнатган бўлиб, MH17’нинг 298 нафар қурбонини рамзий тасвирлайди.
Малайзия бош вазири 31 майда Россия айбини исботловчи «ишончлироқ далиллар»ни кўрсатишни сўраган. Нидерландлар тушунтириш беришни талаб қилган.
Эслатиб ўтамиз, Malaysia Airlines авиакомпаниясининг Boeing 777 йўловчи самолёти 2014 йил 17 июлида Амстердамдан Куала-Лумпурга учаётган пайтда Донецк вилояти осмонида уриб туширилган эди. Бунинг оқибатида 283 йўловчи ва 15 нафар экипаж аъзоси, жами ўн мамлакат фуқароси ҳалок бўлган. Тергов 2018 йилнинг 24 майида дастлабки хулосаларни тақдим этди. Унга кўра, самолётни Россия армиясига қарашли «Бук» зенит-ракета комплекси уриб туширган.
Изоҳ (0)