«Россия 24» телеканали суратга олиш гуруҳи июнь ойи иккинчи ярмида Ўзбекистонга келади. Бу ҳақда Ўзбекистоннинг Россиядаги элчихонаси матбуот хизмати маълум қилди.
Россиялик тележурналистлар Ўзбекистонда Орол денгизининг қуриши оқибатларини бартараф этиш, Оролбўйи ҳудудида экологик ва ижтимоий ҳолатни яхшилаш учун олиб борилаётган ишлар, шунингдек, бу борадаги сай-ҳаракатларда халқаро ҳамжамиятнинг бирлашгани ҳақида ҳужжатли фильм суратга олади.
Лойиҳа Ўзбекистоннинг Москвадаги элчихонаси ва Ўзбекистоннинг Экология ва атроф-муҳитни муҳофаза қилиш давлат қўмитаси ҳамкорлигида ишлаб чиқилган.
Телеканал ижодий гуруҳи Мўйноқ, Нукус шаҳарлари, сув ҳавзаси атрофидаги ҳудудларга ташриф буюриб, расмийлар, тиббиёт ходимлари, экологлар, тарихчилар, археологлар ва бошқа соҳа мутахассисларидан интервью олади.
Изоҳ (0)