«Дарё»да «Самарқандда болалар футболидаги коррупцияга ким барҳам беради?» сарлавҳаси остида мақола эълон қилинган эди. Унда «Динамо-плюс» ПФК тасарруфидаги Болалар ва ўсмирлар махсус футбол спорт мактаби директори ходимлар ва мактаб учун ажратилган пулларни ноқонуний тарзда ўзлаштириб келаётганлиги баён қилинганди.
«Дарё» мухбирининг маълум қилишича, Самарқанд вилоят прокуратураси томонидан футбол мактаби мансабдор ва моддий жавобгар шахсларига нисбатан Ўзбекистон Республикаси Жиноят Кодексининг 167-моддаси 2-қисми «а, в, г» бандлари (кўп миқдорда; бир гуруҳ шахслар томонидан олдиндан тил бириктириб; мансаб мавқеини суиистеъмол қилиш йўли билан ўзлаштириш ёки растрата йўли билан талон-торож қилиш) билан жиноят иши қўзғатилиб, дастлабки тергов ҳаракатлари олиб боришлик учун Самарқанд шаҳар прокуратурасига юборилган.
Вилоят прокуратураси томонидан ўтказилган текширишда «Динамо-плюс» ПФК тасарруфидаги болалар ва ўсмирлар махсус футбол спорт мактаби мансабдор ва моддий жавобга шахслари томонидан 2018 йилнинг май ойидан 2019 йилнинг 1 январигача жами 65 146 000 сўмлик сафар харажати пулларини чиқим ордерлари ва тегишли бухгалтерия ҳужжатлари тузилмасдан асоссиз сарфланганлиги ҳамда бошқа молиявий қонунбузилиши ҳолатларига йўл қўйилганлиги аниқланган.
Изоҳ (0)