Тошкент шаҳрида кузатиладиган ёғингарчилик оқибатида ҳудудларда сув тўпланиб қолишининг олдини олиш мақсадида дренаж тизимларини режа асосида янгилаш ва таъмирлаш кўзда тутилган, дейилади Тошкент шаҳар ҳокимлиги Матбуот хизмати хабарида.
7 июнь куни Мирзо Улуғбек кўчасининг Паркент ва Султонали Машҳадий кўчалари кесишган қисмидан Султонали Машҳадий кўчаси бўйлаб дренаж қувурлари янгиланиши режалаштирилган.
Шу муносабат билан йўлнинг мазкур қисми 7 июнь куни соат 23:00 дан эрталаб соат 06:00 гача бўлган вақт давомида ёпилади.
Ҳокимлик келтирилган ноқулайлик учун узр сўраб қолган.
Эслатиб ўтамиз, 6 июнь куни Тошкентда Амир Темур шоҳкўчасининг бир қисми вақтинча ёпилиши хабар берилган эди.