Ижтимоий тармоқларда 5 июнь куни Тошкентда юз берган дўл аралаш ёмғир ва унинг асоратлари акс этган фото ва видеолар айланишда давом этмоқда. Бу ҳақда «Дарё» мухбири маълум қилди.
Пойтахтда кузатилган кучли шамол бекатни ағдарган. Чақмоқ авжига чиққан пайт аттракционда учаётган одамларнинг ҳолатини эса тасаввур қилиш мумкин.
Шиддатли жала туфайли қаҳвахоналар томидан чакка ўтиб, оёқ ости кўлмакка тўлган.
Дарахтлар қулаб, автомобилларнинг устига тушган.
Хонадонлардан бирида эса электр ёқгич орасидан сув сизиб тушган.
Фойдаланувчилар тарновдан тинмай дўл тушишини ўзига хос агрегатга қиёслаган.