2019 йилнинг 6 июнь куни Пенза вилоятининг Кузнецк туманлараро касалхонасида Ўзбекистон фуқароси, 1983 йилда туғилган Шерали Патиллоев вафот этди. Бу ҳақда Ўзбекистоннинг Қозон шаҳридаги бош консулхонаси маълум қилди.
4 июнь куни у ва яна 7 нафар Ўзбекистон фуқароси Пенза вилояти ҳудудидан ўтувчи М5 «Урал» трассасида содир бўлган йўл-транспорт ҳодисаси оқибатида бош мия жароҳатлари билан юқорида қайд этилган касалхонага жойлаштирилганди.
Марҳумнинг жасадини ватанга қайтаришда консуллик-ҳуқуқий кўмак бериш ва жароҳатланган юртдошларга ёрдам кўрсатиш бўйича бош консулхона тегишли чораларни кўрмоқда. Улар ҳозирда Кузнецк туманлараро касалхонасининг жонлантириш ва травматология бўлимларида бўлиб турибди.
Изоҳ (0)