Қозоғистонда Россиянинг янги ракетага қарши тизими синовдан ўтказилди (видео)

Қозоғистоннинг «Сари-Шаган» полигонида Россиянинг янги ракетага қарши қурилмаси учирилди. Унинг старт олиши тасвирланган видео Россия Мудофаа вазирлигининг YouTube’даги каналига жойлаштирилди.

Россия Ҳаво-космик кучлари ракетага қарши мудофаа бирлашмаси командири полковник Владимир Сергиенконинг сўзларига қараганда, синов вақтида қурилманинг барча тавсифлари ўз тасдиғини топган.

Кўплаб фойдаланувчилар роликни кўриб, унинг остига бир-бирдан ажойиб изоҳларни ёзиб қолдирган.

«Олов, мана буни тезлик деса бўлади, агар исташса — бажаришади», «Ақл бовар қилмайди — бу ракета тезлиги эмас, портлаш тезлиги!», «Ушбу ракета портлашни эгарлади дейиш мумкин!», «Овозининг қўрқинчлилигини қаранг!», «Овозига гап йўқ. SMS’имга қўйиб оламан!».