Армия махсус кучлари отряди 4 июнга ўтар кечаси Триполи шаҳридаги жандармларга ҳужум қилган террорчини йўқ қилди. Бу ҳақда «ТАСС» хабар берди.
Қайд этилишича, ИШИД террорчилик гуруҳига алоқадор Абдул Раҳмон Мабсут исмли жангари бир қатор қуролли ҳужумларни амалга оширган. Хусусан, жандармлар патрулига граната отган, оқибатда соқчилардан бири ҳалок бўлган, қолган икки нафари яраланган. Шунингдек, Ливан банки ва шаҳардаги ҳарбий блокпостга ҳам ҳужум уюштирган. Террорчилар билан отишмада бир нафар аскар ҳалок бўлиб, тўрт нафар тинч аҳоли вакиллари яраланган.
Армия махсус кучлари отряди аввал ҳужумчи яширинган уйни ўраб олган. Террорчи қўлида асирга олинганлар йўқлигига ишонч ҳосил қилингач, махсус операция ўтказилиб, террорчи йўқ қилинган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)