Андижон шаҳрининг Фаробий маҳалла фуқаролар йиғинига хизмат кўрсатувчи профилактика инспектори ва унинг жамоат тартибини сақлаш бўйича ёрдамчиси томонидан бир кунда, иккита оғир турдаги жиноят олди олинди. Бу ҳақда вилоят ИИБ матбуот хизмати хабар бермоқда.
30 май куни соат 21:00 лар чамасида улар ҳудудида тунги хизмат давомида «Ошпазлар» кўчасида бир неча фуқароларнинг оғзаки тортишуви ўзаро даҳанаки жанжалга айланганлиги юзасидан тезкорлик билан ҳодиса жойига етиб борилиб фуқаро М.Х I. Анинг қариндошлари билан ўзаро жанжаллашиб, уларга қўлидаги хўжалик пичоғи билан тан жароҳати етказмоқчи бўлганлиги юзасидан, тезкор ҳаракатлар туфайли М.Х дан ўткир тиғли жисм тортиб олинди.
Ушбу ҳолат юзасидан фуқаро М.Х ва унинг яқин қариндошлари ИИБга олиб келиниб, улар билан профилактик суҳбат ўтказилиб жиноят ва ҳуқуқбузарлик содир этмаслик ҳақида огоҳлантирилди.
Шунингдек шу куни соат 22:00 лар чамасида «Садоқат» маҳалласида содир бўлган. Бу ҳақда тунги хизматчиларга Андижон шаҳрида яшовчи фуқаро А.Ш кўнғирок қилиб, набираси Ф.А уйда жанжал тўпалон қилиб, дераза ойналарни синдириб юбораётганлигини айтган. Фуқаронинг чақирувига асосан воқеа жойига етиб борилганда фуқаро Ф. А жанжал тўполон кўтариб, А. Шга нисбатан ўткир тиғли жисм орқали тан жароҳати етказмоқчи бўлаётганлиги аниқланган. Тезкор ҳаракатлар натижасида Ф. Адан чалабзар пичоғи олиниб, содир этилиши мумкин бўлган оғир турдаги жиноятнинг олди олинган.
Ушбу ҳолат юзасидан ҳам профилактик суҳбатлар ўтказилиб жиноят ва ҳуқуқбузарлик содир этмаслик ҳақида огоҳлантирилган.
Изоҳ (0)