2019 йилнинг биринчи чорагида Ўзбекистонга келган хорижлик сайёҳларнинг сони 1,3 миллион кишига етди. Бу ўтган йилнинг ушбу даврига нисбатан 42 фоиз кўп дегани, дея ёзади Туризмни ривожлантириш қўмитаси.
Шу билан бирга, Ўзбекистондаги хорижий меҳмонларнинг ўсиш суръатлари тахминан бир хил даражани кўрсатмоқда. Масалан, МДҲ давлатлари ва узоқ хорижий мамлакатлардан келадиган сайёҳларнинг ўсиши 38 фоизни ташкил этди. Марказий Осиёдан келган сайёҳларнинг сони 44 фоизни ташкил этди.
Узоқ давлатлардан ва МДҲ мамлакатларидан сайёҳларнинг кўпчилиги Россия, Туркия, Афғонистон, Хитой, Корея ва бошқа мамлакатлардан келади.
Ойлар кесимида сайёҳлар энг кўп март ойида ташриф буюргани маълум бўлди — 549,5 минг киши. Бироқ, ўтган йилнинг шу даврига нисбатан, январь ва февраль ойларида келган сайёҳлар сони кескин ўсган. Шундай қилиб, январь ойида келган сайёҳлар сони 2018 йилга нисбатан 26% (266,2 мингдан 437,2 мингга), февралда 48% га (264,9 мингдан 393,5 гача) ошди.
Сайёҳларнинг ёш категорияси ҳисобга олинса, 31—55 ёшдаги сайёҳлар 53,2 фоизни, 30 ёшгача бўлганлар 27,4 фоизни, 55 ёшдан катталар 19,2 фоизни ташкил қилмоқда.
Умуман олганда, 2019 йилнинг II чорагида 1,47 миллион киши келиши кутилмоқда ва шу йилнинг оҳиригача эса 6 миллионга яқин хорижий сайёҳ кутилмоқда.
Изоҳ (0)