ЮНИСEФ Ўзбекистонга Яқин Шарқдаги низоли ҳудудлардан ўз фуқароларини қайтариб олиб келишда молиявий ёрдам кўрсатилганини рад этди.
«ЮНИСEФ 156 нафар ўзбек аёл ва болаларини репатриация қилиш жараёнида Ўзбекистон ҳукуматига ҳеч қандай молиявий ёрдам кўрсатмаганини таъкидлайди ва репатриация ҳақида маълум ижтимоий медиа каналлари орқали тарқатилган нотўғри маълумотларни инкор этади», — дейилади хабарда.
ЮНИСEФ Ўзбекистондаги ваколатхонаси Ўзбекистон ҳукуматига ушбу болаларга психологик хизматларни кўрсатишда ва уларнинг оилалари ва жамиятга қайта интеграциялашувини қўллаб-қувватлашда ёрдам кўрсатади.
Эслатиб ўтамиз, Ўзбекистон Республикаси Президенти Шавкат Мирзиёевнинг топшириғига биноан, 156 нафар Ўзбекистон фуқароси асосан аёллар ва болалар Яқин Шарқдаги қуролли можаролар ҳудудидан Ватанга қайтарилди. Улар 30 май куни махсус авиарейсда Тошкент шаҳрига олиб келинди.
Изоҳ (0)