Россия Яқин Шарқдаги вазиятнинг кескинлашувини олдини олиш мақсадида Эронга C-400 ракетага қарши мудофаа тизимларини етказиб бермайдиган бўлди. Бу ҳақда Bloomberg агентлигига асосланиб, «РБК» хабар берди.
Эроннинг C-400 тизимларини харид қилиш бўйича илтимоси шахсан Россия президенти Владимир Путин томонидан рад этилган. Бироқ Россия Ташқи ишлар вазирлиги ушбу маълумотларга изоҳ беришни истамаган.
Эрон ташқи ишлар вазири Муҳаммад Жавод Зариф 7—8 май кунлари Россияга ташриф буюрган эди. У Москвада Россия ташқи ишлар вазири Сергей Лавров билан учрашиб, президент Хасан Руҳонийнинг мактубини Россия президентига тақдим этган.
Аввалроқ, C-400 тизимларини Туркияга етказиб бериш бўйича битим Анқара ва НАТОнинг бошқа давлатлари орасида кескинликни юзага келтирган эди. Москва Туркияга жами тўртта C-400 дивизионини 2,5 миллиард доллар эвазига етказиб беради.
Изоҳ (0)