28 май куни Ўзбекистоннинг етакчи ОАВ вакиллари учун Тошкент вилоятининг Ўрта Чирчиқ туманига пресс-тур ташкил этилди, деб хабар берди «Дарё» мухбири Севара Нишонова.
Тадбирда давомида журналистлар кўмир ёқилғисига мослаштирилган иссиқхоналарнинг афзалликлари билан танишди.Тошкент вилоятида бир хил табиий шароит, бир хил майдон ва бир хил маҳсулот (помидор) етиштиришга ихтисослашган – кўмирда ишловчи «Турон томатоэс» ва табиий газда ишловчи «Парранда саноат Барака» иссиқхона хўжаликлари фаолият кўрсатади.
Ёқилғи-энергетика ресурсларини 1 гектарга ҳисобга олган ҳолда маҳсулот етиштириш, табиий газдан кўра, кўмир ёқилғисидан фойдаланиш эвазига етиштирилган маҳсулотлар 36 фоизга арзонроқ ёки 90 миллион сўм миқдорида қўшимча даромад олиши мумкинлигини кўрсатди.
Бундан ташқари, мавсум давомида кўмир ёқилғисидан фойдаланган ҳолда маҳсулот етиштирилса, 489 миллион сўм харажат қилингани ҳолда 1 миллиард 320 миллион даромад олиниб, соф фойда 832 миллион сўмни ташкил этади.
Кўмир сотиб олишга - 160 миллион сўм (маълумот учун: 1 тонна Қозоғистон кўмирининг нархи 800 минг сўм) ёки барча харажатларнинг 33 фоизини ташкил этади.
Табиий газдан фойдаланган ҳолда маҳсулот етиштириладиган иссиқхоналарда мавсум давомида ўртача 579 миллион сўм газ тўловига сарфланади. Даромад – 1 миллард 320 сўмни, соф фойда эса – 741 миллион сўмни ташкил этади. Бунда табиий газ харажати 250 миллион сўмни (1 м3 = 1000 сўм) ёки умумий харажатларнинг 43 фоизига тенг бўлади.
Мутахассисларнинг қайд этишича, экология нуқтаи назаридан олганда, табиий газ ёқилганда кўмир ёнганидаги каби юқори ҳароратда азот оксиди ажралиб чиқади. Фақат кўмир ёқилғисидан фойдаланиш учун тозаловчи қўшимча ускуналар талаб этилади, яъни бу ускуналар атмосферага чиқадиган зарарли чиқитларни камайтиришга хизмат қилади.
Изоҳ (0)