Ўзбекистон Хотин-қизлар қўмитаси ва Тошкент шаҳар ҳокимлиги ҳамкорлигида пойтахт туманларида оилаларни ўрганиш ишлари давомида мавжуд муаммолар аниқланиб, уларни бартараф этиш чоралари кўрилмоқда. Бу ҳақда «Дарё«га қўмита матбуот хизмати хабар берди.
Жумладан, Сергели туманида ўтказилган ўрганишлар натижасида 106 нафар оғир турмуш шароитидаги хотин-қизлар аниқланди.
Қўмита қошида ташкил этилган Хотин-қизлар ва оилани қўллаб-қувватлаш жамоат фонди томонидан уларга юздан ортиқ зарур анжомлар ажратилди.
Хусусан, хотин-қизларга ногиронлик аравачалари, эшитиш ва юриш мосламалари, маиший техника — музлатгич, кир ювиш машинаси, тикув машиналари ва ётоқ анжомлари совға қилинди.
25 май куни Сергели туман ҳокимлигида ташкил этилган мазкур тадбирда Бош вазир ўринбосари, Хотин-қизлар қўмитаси раиси Танзила Норбаева иштирок этди ва совғаларни топширди.
Изоҳ (0)