Турли интернет-нашрлари ва ижтимоий тармоқларда Қаҳрамон Қуронбоев Ёшлар Иттифоқи раҳбарлигидан кетиши ҳақида хабарлар тарқалмоқда. Хабарларга кўра, у Ўзбекистон Миллий университетига ректор этиб тайинланиши мумкин.
UZ24 Ёшлар Иттифоқи матбуот хизмати раҳбари Нодир Абдуқодировга таяниб маълум қилишича, Қаҳрамон Қуронбоев ҳозирда ташкилот раҳбари сифатида ўз фаолиятини давом эттирмоқда. Унинг лавозимдан кетиши тўғрисидаги хабарлар мутлақо асоссиз.
Эслатиб ўтамиз, Қаҳрамон Қуронбоев 2017 йилнинг 30 июнидан буён Ёшлар Иттифоқи (собиқ «Камолот» ёшлар ижтимоий ҳаракати) раҳбари лавозимда ишлаб келмоқда.
У 2001—2006 йилларда «Камолот» Марказий кенгаши раисининг биринчи ўринбосари, 2009—2012 йилларда Ўзбекистон Миллий университетининг маънавият ва маърифат ишлари бўйича проректори, 2012—2013 йилларда Президент ҳузуридаги Давлат бошқарув академияси проректори, 2013—2016 йилларда Вазирлар Маҳкамасида ёшлар сиёсати масалалари комплекси сектор мудири, 2016 йилдан Ўзбекистон Миллий телерадиокомпанияси раисининг биринчи ўринбосари лавозимларида фаолият олиб борган.
Изоҳ (0)