Навоий шаҳрининг Парвоз кўчасида яшовчи С.Б. Тошкент вилоятининг Чиноз туман ИИБга 19 май куни 3 нафар шахснинг талончилик қилгани юзасидан мурожаат қилган. Бу ҳақда вазирликнинг Жамоатчилик ва ОАВ билан алоқалар бошқармаси хабар берди.
Маълум бўлишича, соат 18:00 лар атрофида 3 номаълум шахс Тошкент шаҳар Чилонзор туманида жойлашган «Абу Сахий» савдо мажмуаси олдидан унинг бошқарувидаги Cobalt машинасига йўловчи сифатида ўтирган.
Чиноз тумани «Маданият» маҳалласи ҳудудига етиб келганларида номаълум шахслар машинани йўл четига тўхтатишни айтиб, уни қўрқитиш йўли билан умумий қиймати 200 минг сўмлик машина ҳимоя пультини тортиб олиб кетган.
Кўрилган чоралар натижасида ушбу жиноятни Тошкент вилояти Зангиота тумани «Эшонгузар» қишлоғи «Амир Темур» маҳалласида яшовчи 33 ёшли Д.Р., Бухоро шаҳар Хушун кўчасида яшовчи 26 ёшли Ш.А., Бухоро шаҳар Шайхон кўчасида яшовчи 29 ёшли А.Ш. содир этганликлари аниқланиб, ушланган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)