Turli internet-nashrlari va ijtimoiy tarmoqlarda Qahramon Quronboyev Yoshlar Ittifoqi rahbarligidan ketishi haqida xabarlar tarqalmoqda. Xabarlarga ko‘ra, u O‘zbekiston Milliy universitetiga rektor etib tayinlanishi mumkin.
UZ24 Yoshlar Ittifoqi matbuot xizmati rahbari Nodir Abduqodirovga tayanib ma’lum qilishicha, Qahramon Quronboyev hozirda tashkilot rahbari sifatida o‘z faoliyatini davom ettirmoqda. Uning lavozimdan ketishi to‘g‘risidagi xabarlar mutlaqo asossiz.
Eslatib o‘tamiz, Qahramon Quronboyev 2017-yilning 30-iyunidan buyon Yoshlar Ittifoqi (sobiq “Kamolot” yoshlar ijtimoiy harakati) rahbari lavozimda ishlab kelmoqda.
U 2001—2006-yillarda “Kamolot” Markaziy kengashi raisining birinchi o‘rinbosari, 2009—2012-yillarda O‘zbekiston Milliy universitetining ma’naviyat va ma’rifat ishlari bo‘yicha prorektori, 2012—2013-yillarda Prezident huzuridagi Davlat boshqaruv akademiyasi prorektori, 2013—2016-yillarda Vazirlar Mahkamasida yoshlar siyosati masalalari kompleksi sektor mudiri, 2016-yildan O‘zbekiston Milliy teleradiokompaniyasi raisining birinchi o‘rinbosari lavozimlarida faoliyat olib borgan.
Izoh (0)