Ўзбекистон Давлат санъат музейи ҳузуридаги Жамоатчилик кенгаши аъзолари Николай Романов томонидан йиғилган ноёб картиналарни жойига қайтариш таклифини билдирди, деб хабар беради «Podrobno.uz».
Рус подшоҳлик вакили оилавий сабабларга кўра бир неча ўн йил, Октябрь инқилобига қадар Тошкентда яшаган. Николай Романов томонидан йиғилган коллекция ўзбек ва рус ижодкорлари томонидан камида 100 йил олдин яратилган бўлиб, Ўзбекистон давлат санъат музейининг яратилишига асос бўлиб хизмат қилган.
Бунга қадар коллекция княз Романовнинг Тошкентдаги қароргоҳида сақланган. Кенгаш аъзолари ушбу коллекциянинг жойига қайтариш биринчидан, адолатли бўлишини, иккинчидан эса — Савицкий номидаги музейга ўхшаш яна бир музей пайдо бўлишини таъкидламоқда.
Князнинг Тошкентдаги саройи 1891 йилда қурилган. Бино узоқ йиллар давомида ТИВ ихтиёрида бўлиб келган. 2018 йида эса сарой Маданият вазирлиги тасарруфига ўтказилган.
Николай Романов — Россия императори Николай I нинг набираси бўлиб, 1877 йилда оиласи билан Тошкентга сургун қилинган ва 1918 йилгача, вафот этгунига қадар шу ерда яшаган.
Изоҳ (0)