Самарқанд вилоятининг Ургут туманида яшовчи Орзигул Жўрақулованинг 7 ёшли ўғли Жўрабек Зойиров оғир дард билан олишмоқда.
Шифокорлар томонидан Жўрабекка ўткир лимфобластли лейкоз (оққон касаллигининг 1-фаол даври) ташхиси қўйилган. Оила ҳозирда моддий кўмакка муҳтож.
Онасининг сўзларига кўра, 2018 йилнинг март ойининг кунларининг бирида пойтахтдаги Гематология марказида таҳлил топширилганида, қонда оққон доначалари кўп экани маълум бўлган.
«Ўғлим Жўрабекнинг аҳволи кундан кунга ёмонлашиб борарди. Самарқанддаги Гематология марказида олти кун даволанди, лекин аҳволида ижобий ўзгариш бўлмади. Кучли иситма ва оёғида кучли оғриқ зўр бериб, юролмай қолгани сабаб 2018 йил 25 март куни Тошкентдаги гематология ва қон қуйиш илмий текшириш институти клиникасига ўғлимни олиб бордим. Россияга таҳлил жўнатганимизда 86,5 фоиз оққон жавоби келди. Ҳозирда иккинчи курс даволаниш муолажаларини олиб келмоқда. Яна бешта курсдан яъни бир йилдан кейин қўллаб-қувватлови бошланади. Ҳозирда битта курсга 30 миллион сўмдан ортиқ маблағ талаб этиляпти. Қўллаб-қувватлови 6 йил давом этади ва бунда бир неча курс бор. Бир курси икки ойни ташкил қилади.
Шу кунга қадар ўғлимни даволатишда қариндошларимиздан, танишлардан қарз олишга мажбур бўлганмиз. Қарздорлик сабаб оиламизни тинчи бузилган. Биз ҳозирда Тошкент шаҳрида ижарада турамиз. Ижара ҳаққини жуда қимматлиги сабаб тўлашга имконимиз ҳам етмай қоляпти. Жуда қийин вазиятда қолганмиз», — дейди онаси.
Оила ҳозирда Тошкент шаҳрида ойига 200 АҚШ доллари тўлаб, ижарада туради. Жўрабекнинг онаси саховатпеша инсонлардан умид ила холис моддий ёрдам сўрамоқда.
Саховатпеша юртдошларимиздан оққондан азият чекаётган орзулари осмон бўлган Жўрабекнинг соғайиб кетишида, курсларни давом эттиришида имкон қадар ҳисса қўшишларини сўраб қоламиз.
Хайрия қилмоқчи бўлганлар учун керакли маълумотлар: Пластик карта орқали: (Click, Payme) Отаси Муҳриддин Мусурмонов номига очилган
Агробанк: 8600 0417 7864 2141
Агробанкнинг Тошкент шаҳар филиалида Муҳриддин Мусурмонов номига очилган реквизитлари: МФО: 00394 ИНН: 201200124
Нақд пул топширганда: 2311 6000 600000 394001
Бошқа фирмалар-ташкилотлардан, юридик шахслардан келиб тушган маблағлар транзити: 2312 0000 900000 394001
Россиядаги саховатпеша юртдошларимиз учун беморни тоғаси Феруз Жабборов номига очилган Сбербанк Visa пластик карточкасини ҳисоб рақами: 4276 5500 7304 7477
Хорижий давлатлардан маблағ юбориб ёрдам бермоқчи бўлганлар отасини паспорт маълумотлари: Муҳриддин Мусурмонов Зойир ўғли Паспорт рақами: АА 4631438
Отаси Муҳриддинбек аканинг телефон рақами: +99893 7030316
Изоҳ (0)