Ҳимолай тоғларида баҳорги альпинистлик мавсуми очилиши — май ойи бошидан бери Ернинг энг баланд чўққиси бўлган Эверестга (8848 метр) кўтарилиш вақтида камида олти киши ҳалок бўлди. Бу ҳақда 24 май куни Непал ҳукумати ва экспедиция ташкилотчилари маълумотига таяниб, Agence France Presse (AFP) хабар берди.
Аввалроқ AFP АҚШ ва Ҳиндистондан бўлган уч альпинист ҳалок бўлгани ва ирландиялик альпинист бедарак йўқолгани ҳақида маълум қилган эди.
«Ҳиндистондан бўлган яна икки нафар альпинист 23 май куни Эверестда ҳалок бўлди», — дея агентлик Непалнинг Маданият, туризм ва авиация вазирлиги вакили сўзларини келтирган.
Ўз навбатида, экспедиция ташкилотчилари яна бир кишининг ҳалок бўлганини тасдиқлаган, бироқ унинг фуқаролиги кўрсатилмаган. «ТАСС»нинг ёзишича, Эверест чўққисига 2018 йилнинг май ойида уюштирилган экспедицияда беш киши ҳалок бўлган эди.
Непал ҳукумати учун экспедициядан тушадиган даромад муҳим саналади. Тоғга чиқиш учун 2018 йилда ҳар бир чет эллик спортчи 11 минг доллардан бошлаб, маҳаллий спортчилар эса 710 доллардан бошлаб пул тўлаши керак эди.
Изоҳ (0)