25 майга ўтар кечаси Бали оролидаги Агунг вулқони отилди. Бу ҳақда Индонезия табиий офатларни бартараф этиш агентлигига таяниб, «Корреспондент» хабар берди.
The Associated Press нашрининг ёзишича, вулқон отилиши тўрт ярим дақиқа давом этган. Лава оқими 3 километр атрофга тарқалган, унга яқин 9 та қишлоқ кул остида қолган.
Индонезия ҳукумати вулқон ҳудудида хавф даражасини оширмади, жароҳат олганлар ва ҳалок бўлганлар ҳақида маълумот йўқ.
Вулқондан отилган кул сабаб Бали халқаро аэропорти томон учаётган тўртта рейс бошқа аэропортларга йўналтирилган, яна учиши керак бўлган бешта рейс бекор қилинган.
Агунг вулқони охирги марта 2017 йилнинг декабрида отилган бўлиб, ўшанда ўн минглаб маҳаллий аҳоли эвакуация қилинган эди.
Изоҳ (0)