Бишкек бозорларида 4 соат ичида 5 та ОИВ вирусини юқтирган фуқаролар аниқланди. Бу ҳақда Sputnik хабар берди.
24 май куни республика ОИТС маркази ташаббуси билан Қирғизистон пойтахтининг учта йирик — Ўш, Ўрта-Сой ва Аламедин бозорларида ОИВга ихтиёрий тест текширувлари ўтказилди.
«Тестларнинг ишончлиги 99,5 фоиз. Соат 11.00 да кўнгиллилар текширувдан ўтишга даъват қилиш учун кетди. 4 соат ичида 300 яқин киши тестдан ўтди. Ўрта-Сой ва Аламедин бозорларида 2 нафардан, Ўш бозорида 1 нафар фуқаро ОИВ вирусини юқтиргани ҳақида хабарлар келди», — деб таъкидлади Соғлиқни сақлаш вазирлиги вакили Айбар Султангазиев.
Икки киши суҳбатдан ўтиб, шаҳар ОИТС марказига йўл олган.
«Шок ҳолатидаман. Агар 300 ни 5 га бўлса, икки фоиздан озгина камроқ чиқади. Агар аҳолининг икки фоизида ОИВ бўлса, тўлақонли эпидемия, деярли пандемия деса ҳам бўлади», — деб таъкидлади эксперт.
Султангазиевга кўра, ОИТС маркази тест натижаларини қайта текшириб чиқарди. Агар улар тасдиқланса, ҳукумат соғлиқни сақлаш соҳасида кўплаб дастураларни қайта кўриб чиқиши керак бўлади.
Изоҳ (0)