Франциянинг Лион шаҳри марказида содир бўлган портлаш оқибатида 13 киши жароҳат олди. Бу ҳақда Sputnik хабар бермоқда.
BFMTV телеканалига кўра, Виктор Гюго ва Сала кўчалари кесишмасидаги новвойхона яқинида маҳаллий вақт билан соат 17:30 да қандайдир тугунча портлаган.
Кузатув камераларидаги ёзувга кўра, портловчи қурилмани велосипедда ҳаракатланган номаълум шахс қолдириб кетган. Ҳозирда полиция уни қидириш ишлари билан шуғулланмоқда. Жиноятчи 30—35 ёшлардаги эркак, қора свитер ва ёрқин шортикда бўлган.
Тергов ишлари билан Париж аксилтеррор прокуратураси шуғулланишни бошлаган. Лион прокуратураси эса «қасддан жиноят содир этиш» бўйича тергов ишини очган. Мамлакат президенти Эммануэль Макрон жароҳат олганларга далда билдирди.
Изоҳ (0)