Украина президенти Владимир Зеленский ўз инаугурациясидан сўнг 20 май куни парламентда чиқиш қилганида амалдорлардан идораларида унинг портретини осиб қўймасликларини сўради. Бу ҳақда «112 Украина» телеканали хабар берди.
Зеленский «халққа хизмат қиладиган одамлар» ҳокимиятга келганидан кейин «бошқа имкониятлар»ни яратишни ваъда қилди ва унинг портрети офисларга осиб қўйилмаслигини айтди. У ушбу илтимосини «президент — илоҳ эмас» деб изоҳлади.
Давлат бошлиғининг сурати одатда осиладиган жойда, Зеленский расмийлар ва депутатлардан «фарзандларининг суратларини жойлаштиришини ва ҳар бир қарорга келишдан олдин уларнинг кўзларига қарашини» таклиф қилди.
Болалар ҳақида гапирганда, Зеленский, сайловлардан кейин отасининг олдига келиб, энди у ҳам президент эканлигини айтган ўз ўғли ҳақида гапириб берди.
«Ўшанда бу гап болаларча ҳазилга ўхшаган эди. Ҳозир эса ҳақиқатга ўхшайди», — дейди янги давлат раҳбари. Сўнг у энди Украинанинг ҳар бир фуқароси президент эканлигини эълон қилди.
Зеленскийнинг инаугурацияси 20 май куни бўлиб ўтди. Маросимда Виктор Януковичдан ташқари Украинанинг барча собиқ президентлари қатнашди.
Украинанинг янги президенти ўз нутқи давомида Олий Раданинг тарқатилишини эълон қилиб, депутатларга у ҳукуматдан истеъфога чиқиш, парламент иммунитетини бекор қилиш, ноқонуний бойиш тўғрисидаги қонунни қабул қилиши учун икки ой муҳлат берди.
Маросим якунида парламент спикери Андрей Парубий нутқ сўзлаб, тантанали маросимни «қувноқ» тарзда ўтганини таъкидлади.
Изоҳ (0)